கவிதை

என்னை எனக்கே புரிய வைத்தாய்
உன்னில் என்னை உறைய வைத்தாய்
கன்னல் மொழி புரியாத எனக்கு
உன் கண்ணின் மொழி மட்டும் புரிய வைத்தாய்!!!!!

கவிதை

இயற்கை அன்னை

வானிலே கண்சிமிட்டும் வண்ணமிகு விண்மீன்கள்
வயற்காட்டு வரப்பினிலே வணங்கி நிற்கும் நெற்கதிர்கள்
காற்றின் தழுவலாலே கரை கடக்கும் கடலலைகள்
காலை கதிரவன் தினம் கண்விழிக்கும் தியானங்கள்

அதிகாலை புலர்ந்திடும் அழகான சோலைப் பூக்கள்
பனித்துளி பளிங்குகள் படர்ந்திடும் புல்தரைகள்
பல நூறு வண்ணத்தில் படபடக்கும் பட்டாம்பூச்சி
சூழ்கொள்ளும் தேனீக்கள் ஸ்வரம் பாடும் ரீங்காரம்

அருவியின் சிதறல் சத்தம் அடிவாரத்தில் கேட்கும் தாலாட்டு
கரைபுரளும் ஆற்றினிலே நடைபயிலும் கொண்டை மீன்கள்
அந்தி வேளைக் களிப்பினிலே ஆடி அகவும் தோகை மயில்
குதூகலத்துடன் குருவிகள் கூட்டமாய் எழுப்பும் கூக்குரல்கள்

கோடைமழையின் குளிர்ச்சாரல் வட்டமிடும் வானவில்
தவிட்டுத் தூரல் தணிந்தபின் வீசும் மண்வாசம்
தாழப்பறக்கும் தட்டாம் பூச்சி - தாழம்பூ வாசம்
தண்ணீரில் தவளை சத்தம் - காட்டுக் குயிலின் சத்தம்

இயற்கையின் இயக்கத்தில் இயங்கிடும் இவுலகில்
இத்துனை கொடைகள் ஈடில்லா இன்பங்கள்

வளமனைத்தும் பெருகக் கொண்டு வடிவமைத்தான் வையகத்தை
இந் நிலமனத்தும் மானுடத்தை நிலைபெறச் செய்யும்முன்னே
இறைவனின் பரிசுகளில் இதை மிஞ்ஜி வேறும் உண்டோ
இனியதனை உணர்ந்திடுவோம் இன்புறவே வாழிந்திடுவோம்

கவிதைகள்

ஆடிபெருக்கு

1.நிலாச்சோறு சாப்பிட்ட மொட்டை மொடியில்
இன்று தண்ணீர் தொட்டிகளும் கேபிள் டிவி வயர்களும்
அதலால், வா அன்பே, நாம்
நிலாவுக்கே போய் சோறு உண்ணுவோம்.



2.அன்று ஆற்றங்கரையில் அமர்ந்து
ஆடிப்பெருக்கை ஆனந்தமாய் கொண்டாடினோம்
ஆனால் இன்று ஆறுகள் திசை தெரியாமல் தவிக்கின்றன
ஏனென்றால் கரையின் மணல்கள்தான் திருடப்பட்டனவே!

கவிதைகள்

முதல் முதலாய் உன்னைப் பார்க்கும் போது
உன் மௌனத்தை பார்த்து நான் நினைத்தேன்
நீ அதிகம் பேச மாட்டாய் என்று!

பின்புதான் புரிந்தது அதன் ரகசியம்
உன் இதழ்கள் ஒன்றையொன்று
முத்தமிட்டுக் கொண்டிருக்கின்றன என்று!




என்னை மயக்கியதோடல்லாமல்
என் தோட்டத்து மலர்களையும் அல்லவா
மயக்கினாய் நீ!

அவற்றை நான் கடக்கும் போதெல்லாம்
என்னைப் பார்த்து ஏக்கமாய்
கேட்கின்றன

எப்போது எங்களைப் பறித்து
உன் காதலியின் கூந்தலில்
சூடப் போகின்றாய் என்று


காதலியின் புகைப்படம்

உன் நிழலுடன் இருந்தாலே
இத்தனை சுகமென்றால்
உன்னுடன்( நிஜத்துடன்)இருந்தால்
சொல்லவும் வேண்டுமோ?


ஊடல்

அன்பே,உன் மௌனத்தால்
ஏன் என்னை தினமும் கொல்கிறாய்
இன்று உன் மௌனத்தைக் கொன்று விடு
என்னுடன் பேசிவிடு


முரண்பாடு

ஏன் என் மனதில் இந்த முரண்பாடு
உன் முகத்தை பார்க்கப் பார்க்க
இன்னும் வாழ ஆசை
இதைவிட சிறப்பாக இவ்வுலகில்
ஏதும் இல்லை என்பதால்
இப்பொழுதே சாகவும் ஆசை!

கவிதைகள்

அஹிம்சைக் கொலை


நீதான் உண்மையான காந்தியவாதி!
கத்தியின்றி ரத்தமின்றி
என் தினம் கொல்லும்
அஹிம்சாவாதி!
தினம் தினம் உன் கொலைகளை சந்திக்க
கோடி முறை நான் உயிர்த்தெழுவேன்!



உன் புருவம் என்ன கருப்பு வானவில்லா?
அதைக் கண்டதும் என் மனதில் மழை பெய்கிறதே!




தமிழைக் காதலிக்கும் தமிழச்சியே
இந்த தமிழனையும் காதலி!



நான் வாழும்போது உன்னை நினைக்கவில்லை
உன்னை நினைப்பதாலேயே வாழ்ந்து கொண்டிருக்கின்றேன்

கவிதைகள்

காதல் மழை

உன் கண்களில் முத்தமிட்டால்
என் கண்களில்(ஆனந்த) மழை!

உன் கன்னங்களில் முத்தமிட்டால்
என் மனதிலே மழை!

உன் உதடுகளில் முத்தமிட்டால்
என் உயிரிலே மழை!



கல்லுக்கு உயிர் தந்தால் சிலை!
சொல்லுக்கு உயிர் தந்தால் கவிதை!
இவை இரண்டுக்கும் உயிர் தந்தால்
நீ!


கண்மனியே
காதலுக்கே உனைப் பார்த்தால்
காதல் வரும்
காதலன் எனக்கு வராதா?


எனக்குப் பிடித்த ஒரு சொல் கவிதை
உன் பெயர்தான்!

கவிதைகள்

காதலர் தினம்

ஊரெங்கும் இதே பேச்சு
இன்று காதலர் தினமாம்!

உனக்கு நினைவிருக்கிறதா
உன்னிடம் என் காதலைச் சொன்ன

அந்த காதலர் தினத்தை
எப்படி மறப்பாய் நீ!

மௌனத்தால் சம்மதம் சொல்லி
என்னைக் கட்டிப் பிடித்தாயே!

நம் இருவரிடயே உள்ள
காற்றுக்குக் கூட மூச்சு முட்டுவது போல

அப்பப்பா! இப்பொழுது நினைத்தாலும்
எனக்கு மூச்சு முட்டுகிறது.

கவிதைகள்

பெற்ற கடன்

எந்த கடனையும் திருப்பிக் கொடுக்கலாம்
ஆனால் இந்த கடனை திருப்ப முடியாதென்று
நண்பன் ஒருவன் பந்தயம் வைத்தான்

முன்னர் நான் நினைத்திருந்தேன்
இன்னொரு பிறவி என்று ஒன்றிருந்தால்
மீண்டும் உன் மகனாக பிறக்க வேண்டும் என்று

ஆனால் இப்பொழுது எண்ணுகிறேன்
நான் பட்ட கடனை அடைக்க வேண்டும்

ஆதலால்
அடுத்த பிறவியில்
நான் உந்தன் தாயாக வேண்டும்
நீ எந்தன் சேயாக வேண்டும்

தந்தை மகளுக்கு சூட்டிய (கவிதை) மாலை

Written on the occasion of my daughter getting her dream job as Air-Hostess in a leading private Airlines in India

நீ அன்று கனவு கண்டாய்
மனதில் உறுதி பூண்டாய்
காற்றில் மிதப்பேன் என்று

இன்று கனவை துரத்தி வென்றாய்

நாளை காற்றில் மிதப்பாய்
விண்ணில் பறப்பாய்
விமான பணிப்பெண்ணாக

அந்த காலமாய் இருந்தால் பாடியிருப்பேன்
ஆயிரத்தில் ஒருத்தி அம்மா நீ என்று
ஆனால் இன்று பாடுகிறேன்
மில்லியனில் ஒருத்தி அம்மா நீ!!!!!!

கோபம் கண்ணை மறைக்குமாம்
ஆமாம்
முன்பெல்லாம் முன்கோபம்
என் கண்களை மறைத்தது
ஆனால் நீ வந்த பின்
ஆனந்த கண்ணீரல்லவோ
என் கண்களை மறைக்கின்றது

நீ எதில் சிறந்தவள்
ஆடலிலா பாடலிலா
பண்பிலா பொறுப்பிலா
பட்டிமன்றம் வைத்தால்
நான்கு அணியினர் மட்டும் அல்ல
நடுவரும் திணறிப்போவார் முடிவு சொல்ல###

எத்தனை போராட்டங்கள் நம் வாழ்வில் அன்று
அதை அத்தனையும் வென்றோம் நாம் இன்று
இனி நம் வாழ்வில் வெற்றி - இல்லை,இல்லை
இனி வெற்றியே நம் வாழ்வு

கவிதை எண் 5

எவ்வளவோ பேர் உன் காதலுக்காக ஏங்க
என்னை மட்டும் காதலித்த நீ ஒரு தியாகிதான்

அப்பா அம்மா அண்ணன் தம்பி என்று
ஓர் உலகமே உனக்கு இருந்தும்
என்னையே உலகம் என்று எண்ணி வந்த நீ
ஒரு தியாகிதான்

அப்படிப்பட்ட தியாகிக்கு என்ன விருது கொடுப்பது
என்னைவிட சிறந்ததாக எதை விருதாய் கொடுப்பது

மீண்டும் இப்படி ஒரு விருது(விருந்து)
இந்த வாழ் நாளில் கிடைக்காது

ஆதலால் அதை நன்கு பேணி காத்திடு
தினம் தினம் பார்த்து மகிழ்ந்திடு