கவிதைகள்

பெற்ற கடன்

எந்த கடனையும் திருப்பிக் கொடுக்கலாம்
ஆனால் இந்த கடனை திருப்ப முடியாதென்று
நண்பன் ஒருவன் பந்தயம் வைத்தான்

முன்னர் நான் நினைத்திருந்தேன்
இன்னொரு பிறவி என்று ஒன்றிருந்தால்
மீண்டும் உன் மகனாக பிறக்க வேண்டும் என்று

ஆனால் இப்பொழுது எண்ணுகிறேன்
நான் பட்ட கடனை அடைக்க வேண்டும்

ஆதலால்
அடுத்த பிறவியில்
நான் உந்தன் தாயாக வேண்டும்
நீ எந்தன் சேயாக வேண்டும்