நானும் நாலும்

கீதா மேடம் 300வது பதிவு போடறத்துக்குள்ள நான் என்னோட 25வது பதிவ போட்டுடு ஊருக்கு கிளம்பலாம்னு தோணிச்சு.அதான் ஒரு சின்ன மொக்கை. எனக்கும் நம்பர் 4க்கும் உள்ள தொடர்பை சொல்லலாமேன்னு தோணிச்சு.

பிறந்த தேதி 22 -ஜூன் - 1958 (2+2=4)

கூட பிறந்தவர்கள் - 4பேர்(2 அண்ணா 1 அக்கா 1 தம்பி)

ஆதலால் 5 குழந்தைகளில் நான் 4வது

என் மனைவியும் அவள் பெற்றோர்களுக்கு 4 வது கோந்தே!

2 அண்ணன்கள் 1 அக்காவுடன் அவர்கள் வீட்டிலும் 4 பேர்

காலேஜ் 4 வருஷம் - P.U.C - 1 வருஷம்( ஆமாங்க நாங்கயெல்லாம் கற்காலம் - கல்வியை ஒழுங்காக கற்று கொண்ட காலம் - தான்) B.COM -3 வருஷம்

4 எழுத்து படிச்சவன் - B.COM , C.A

CA படிச்சது மொத்தம் 4 வருஷம்

Exams 4 தடவை எழுதினேன் - Inter 2 தடவை , Final 2 தடவை

4லும் தெரிஞ்ஜவன்னு 4 பேரு சொல்லனும்ம்னு ஆசை

என் மனைவிதான் நான் பார்த்த 4வது பெண் - அவளுக்கும் இது தெரியுங்கோ அதுனால எந்த பரட்டையும் பத்த வைக்க முடியாதுங்கோ?????????

4 வது படிக்கும் போது 100% attendence வாங்கி பள்ளிக்கு தவறாமல் வந்தவர்னு ஒரு புத்தகம் பரிசு வாங்கினேன்

அதே 4 வது படிக்கும்போது வகுப்பு தலைவன் என்ற பொறுப்புல(ஆணவத்துல) லேட்ட வந்த 1 பைய்யன வகுப்பு ஆசிரியர்ட்ட போட்டு குடுத்து அதுக்காக அவன் என் முதுகுல ஏதோ ஒரு செடியோட இலையை தடவ 4 நாள் நார்மலா படுக்க முடியல்லீங்க

சொந்தமா ஆபீஸ் நடத்தின(லக்ஷணம்)து போதும்னு நினைச்சு வேலைக்கு போக ஆரமிச்சு இது 4ஆவது வருஷம்

சௌதி அரேபியா வந்து ஆபீஸ்ல சேர்ந்தப்பறம்தான் பாக்கறேன் ஆபீஸும் வீடும் இருக்கற தெரு 4th street.

சௌதில பொழுது போகாம சொந்த ஊரான சிதம்பரத்த பத்தி ஏதோ நெட்டுல தேட போக அப்ப கீதா மேடம் வலைல சிதம்பர ரகசியம் மற்றும் கோயில் பத்தி படிக்க போயி இப்ப activeஆ இருக்கற BLOG - 4 எழுத்துதான்


சரி சரி மொக்கை போட்டது போதும்னு நீங்க நினைக்கறத்துக்குள்ள நா எஸ்கேப் - அட ஊருக்கு போய் இறங்கற அன்னிக்கும் தேதி 22ங்க(2+2 =4) அதாங்க பிறந்த நாள் அன்னிக்கி - அதுவும் 49வது பிறந்த நாள் - ஓஓஓஓஓஓஓ - 4+9 = 13 =4 உடம்பெல்லாம் புல்லரிக்குதுடா சாமி!!!!!!!!!!!!!!!!


டாட்டா,பைபை