எவ்வளவோ முறை கேட்ட "சபாபதிக்கு" பாடலில் உள்ள பலருக்குத் தெரியாத ஒரு உண்மையை சொன்ன அண்ணன் தி.ரா.ச அவர்களுக்கு நன்றி. இதே போல தமிழ் திரை இசையில் நடந்த அல்லது நடவாது போன சில மாற்றங்களை உங்களோடு பகிர்ந்துகொள்கிறேன்

முதலில் மாறின ஒரு பாடல்

1943 இல் ஆல் டயம் சூப்பர் ஸ்டார் MKT நடித்த சிவகவி படம் வெளிவந்தது. அதில் அருமையாக 6 பாடல்கள். அவற்றில் ஒன்று "வதனமே சந்திர பிம்பமோ" . பாடல் எழுதி ஒலிப்பதிவு செய்யும் முன்பு எழுதப்பட்ட வார்த்தை "முகமது சந்திர பிம்பமோ". அப்பொழுதுதான் யாரொ ஒருவர் தயாரிப்பாளரிடமும் பாடலாசிரியரிடமும் சொன்னாராம் - முகமது என்றால் இஸ்லாமியர்களை குறிக்கும் என்று. பிறகுதான் அந்த வார்த்தையை வதனமே என்று மாற்றினார்கள்.

இப்பொழுது மாறாத ஒரு பாடல்

அடுத்த சூப்பர் ஸ்டார் MGR நடித்த பெரிய இடத்துப்பெண் -
பாடல் "கட்டோடு குழலாட ஆட ஆட, கண்ணென்ற மீனாட ஆட ஆட" இரன்டு இளம் குமரிகளை வர்ணித்து பாடும் அந்த பாட்டில் ஒரு வரி வரும் " "பச்சரிசி பல் ஆட" என்று. பாடல் எழுதியவர் கண்ணதாசன். படம் வெளி வந்த பிறகே யாரோ கண்ணதாசனிடம் சொன்னார்களாம் - கிழவிக்கு தானே பல் ஆடும், குமரிகளை பார்த்து பாடும் போது எப்படி அப்படி பாட முடியும் என்று. தவறை ஒப்புக்கொண்டு மன்னிப்பும் கேட்டராம் கண்ணதாசன் அவர்கள்.

மூன்று நான்கு நிமிடம் வரும் பாடலுக்குப்பின் எவ்வளவு விஷயம் இருக்கு பாருங்க

அப்பாடா இன்னிக்கு ஒரு போஸ்டு போட்டாச்சு - இனிமே துப்பரதும் துப்பாததும் உங்க இஷ்டம்